.png)
قصة مذاكرتي
الحكاية ببساطة إني بدرس بقالي عمرين تلاتة كدا .. وزي أي طالب وطالبة .. اتحط عليا ضغط كبير وكالعادة .. مفيش حلم بيجي بسهولة من غير تعب ومشاكل.
قررت إني هبدأ رحلة جديدة خالص .. المجهود الكبير والنتيجة القليلة مش ممكن يبقى قدر .. ف أنا مش عايزة أبذل مجهود كبير وأنسى حياتي .. عندي مهارات كتير عايزة أتعلمها وأطورها .. وعندي حياة اجتماعية عايزة أعيشها صح .. وعندي مشاريع مش مرتبطة بالدراسة عايزة أحققها وألاقيلها وقت .. كنت متطوعة في حاجات كتير جدا .. طب ازاي وأهلي لو عرفوا كل دا هيمنعوني منه عشان خايفين يأثر على دراستي .. هم ليهم بالنتيجة .. إذا المعادلة الي انا محتاجاها هي
مجهود أقل = نتيجة أفضل
ف أهلي يسيبوني أنطلق أو يدعموني
علمت نفسي بنفسي الحمد لله .. ووصلت للنتيجة الي انا عايزاها .. مجهود أقل ونتيجة أحسن ..
واكتشفت سر الخلطة وهقولكم عليه *التنظيم* و *الراحة النفسية*
كل المطلوب منك هو مجهود منظم مش مجهود كبير .. مجهود عارف رايح فين وهيأثر إزاي ..
ونفسيتك مرتاحة بتقدر تتعامل مع أي مشكلة تواجهك سواء في الدراسة أو غيره
النفسية المرتاحة بتحافظ على طاقتك .. والتنظيم بيحافظ على وقتك .. ف يبقى المجهود الي بتبذله (قادر) تبذله و(عايز) تبذله ..
كورس المتابعة اليومية من مذاكرتي
الكورس بدأ من 2018 على صغير جدا .. كنت بقدم فيه خلاصة تجربتي مع المذاكرة طول السنين الي فاتت .. والحمد لله نفع فوق ال 500 طالب .. في مهارات الدراسة كلها ويقدروا دلوقتي يعتمدوا على نفسهم وينجزوا بمجهود قليل منظم .. وسنتين من التشجيع والممارسة لنظام مذاكرة أثبت جودته ومش بس معايا لكن مع ناس كتير بفضل الله.. وحتى زمايلي في الجامعة بدأوا يقلدوه مش بس عشان النتيجة كنجاح .. لكن عشان الراحة النفسية .. ودا المختلف في الكورس .. إنه بيحتوي على جزء كبير جدا بيشتغل على الراحة النفسية والعناية الذاتية ..
الكورس مش بس محاضرات ولا يعتمد على التلقين والتكليفات المرهقة ، الكورس أداة تساعدك في حل المشكلات اللي بتقابلها بشكل فردي جدا، والمحتوى بيتفصل على احتياجات المشتركات فقط
الكورس دا مش بس هنساعد فيه الطالب إنه يعرف يذاكر .. لكن هنعلمه كمان يحافظ على نفسيته ويتعامل مع الضغط والقلق والتوتر والعنف الأسري والعلاقات الفاشلة والفشل الدراسي
وكمان هنقدمله وسائل كتير يطور نفسه بيها ويبني شخصيته ويعتني بصحته ويتعلم مهارات مهمة ويخطط لحياته .
حين تصل ستعلم أن الطريق كان أجمل من الوجهة
هتستفيد إيه من الكورس؟
01
المحاور الرئيسية
-
تنظيم الوقت
-
تنظيم المذاكرة
-
الصحة والتغذية
-
الصحة النفسية
-
الثقافة وتطوير الذات
02
خدمات
-
المتابعة اليومية (مجموعات)
-
المتابعة الأسبوعية (فردية)
-
استشارات للطلاب
-
برنامج "اجعلني رائعًا" للأجازة الصيفية
03
كورسات
-
العناية الشخصية
-
الإعداد الذهني للمذاكرة
-
أدوات التخطيط للمذاكرة
-
تنظيم الوقت
-
التعامل مع الأهالي الصعبة
-
مهارات الحياة الجامعية
04
ورش عمل
-
الخرائط الذهنية
-
علاج التأجيل
-
تدوين الملاحظات
-
أسرار لحفظ القرآن الكريم
-
استخدامات جوجل في التعليم
05
إضافات
-
مقالات
-
مطبوعات
-
مصادر مرئية ومكتوبة
-
بلانر دراسية
آراء عن الكورس
انا استفدت من الكورس ده التنظيم لوقتي. وازاي اراقب الوقت عشان اعرف بيضيع مني ازاي وف ايه . التغير ف الروتين اليومي ضروري عشان احس بطعم الحياه وبطعم الحاجه اللي بعملها مش خطوات اتحفظت وبعملها بدون وعي. ترتيب افكاري واعرف المهم واللي ممكن تأجيله والضرورى واللي ممكن حد تاني يعمله مش لازم انا . حاجه أخبره بقي فيه حاجه بتدفعني لقدام بتديني طاقه اني اكمل لو وقفت ف نصف الطريق الاقي حاجه تزقني لما اقرء الشات بتاع الجروب حتي لو مش بشارك بس باخد الدفعه دي ودي حاجه ممتازة. شكرا بجد يا مرام .كورس ممتاز وأفكار ممتازة ومرتبه ومنظمه بطريقة مفيده ورائعه.
وفاء عبده
